Cebu City nagbabadya

CEBU CITY, Philippines — Kumapit ang Cebu City sa overall leadership at naghakot ng gold para makapagpundar ng kalamangan sa peltimate day ng 2018 Philippine National Games sa Cebu City Sports Center dito.

As of 4 p.m. kahapon, ang Cebu ay mayroon nang 33 golds, 46 silvers at 48 bronzes matapos humataw sa athletics sa paghakot ng 12-golds sa pangunguna nina Melody Perez (3,000-msteeple chase) at Jhuvan Baculot (triple jump).

Ang iba pang produksiyon ng Cebu kahapon ay dalawa sa taekwondo, apat sa poomsae at tig-dalawa sa lawn tennis at table tennis.

Pumapangalawa naman ang Baguio City sa 24-27-29 kasunod ang Mandaluyong sa 20-11-12 na may tsansa pang humabol sa huling araw ng kompetisyon ngayon.

Kasabay ng pana-nalasa ng Cebu City, nagningning naman ang siklistang si Marella Vania Salamat ng Muntinlupa City na nagdomina sa cycling event sa pagkopo ng gold sa women’s criterium event kahapon para sa kanyang ikatlong gintong medalya sa cycling competition sa Barangay Taboc sa Danao City.

Nagtala ng 20 puntos ang dating bowler na si Salamat sa tatlong sprint laps para pagreynahan ang elite criterium. Bukod sa criterium, nagwagi rin ang 24-anyos na si Salamat sa 32-km. mass start ng road race noong Miyerkules at sa 28-km. individual time trial (ITT) noong Martes sa oras na 45:43.07, malayo sa kanyang 44:46.38 nang masungkit niya ang gintong medalya noong 2015 Southeast Asian Games sa Singapore.

“For me, the ITT event wasn’t really a competition. I’m in the thick of my preparation for the Asian Games dahil ito ‘yung event na sasalihan ko.  I’m not expecting to get the gold in the Asian Games since China, Japan and Korea are also very competitive. But my goal is to come up with a podium finish so exposure like this is a great opportunity for me,” sabi ni Salamat na huminto sa kanyang pag-aaral ng dentistry sa University of the East para ipagpatuloy ang career sa cycling.

Samantala, nabigo ang ilang miyembro ng national team matapos yumuko si WGM Janelle Mae Frayna ng Albay kay WIM Catherine Secopito ng Bulacan sa chess tourney sa Robinson’s Galleria. Nakuha ni Secopito ang ginto at pumangalawa lamang si Frayna.

Sa men’s division, nagwagi naman si GM John Paul Gomez ng Albay at pumapangalawa si IM Paulo Bersamina ng Tandag City habang bronze medal lamang kay GM Darwin Laylo ng Marikina.

Ang overall champion ay tatanggap ng kabuuang P10 million mula sa Phi-lippine Sports Commission at kay Pangulong Rodrigo Duterte, P8 million sa first runner-up, P6 million sa second runner-up, P4 million sa third runner-up at P2 million naman sa fifth placer.