2-0 lead itatarak ng SMB-Alab Pilipinas

MANILA, Philippines — Target ng San Mi­guel-Alab Pilipinas na kunin ang 2-0 bentahe sa muling pagharap sa Mo­no Vampire Thailand sa Game  Two ng kanilang best-of-five championship series para sa 2017-2018  ASEAN Basketball League sa Sta. Rosa Multi-Purpose Sports Com­plex sa Sta. Rosa, Laguna.

Tangan ang 1-0 kala­mangan matapos ang ka­nilang 143-130 overtime win sa Game One, malaki ang tiwala ni coach Jimmy Alapag na muling magwawagi ang SMB-Alab sa Mono Vampire sa kanilang la­ro ngayong alas-8 ng ga­bi.

Ayon naman kay Mo­­no Vam­pire coach Douglas Marty, pilit nilang iiwasang mahulog sa foul trouble si 7-foot-5 import Sam Deguara para manati­li ang kanilang dominasyon sa key area at sa rebound department.

Si Deguara ay naka­paglaro lamang ng 19 minuto dahil sa foul trouble, ngunit nakapagtala pa rin ng 21 points, 11 rebounds at 4 blocks sa Game One.

“We missed Sam (Deguara) very badly in the overtime that’s why they (Alab) dominated the rest of the game. Sam is an anchor on both ends for us, he showed a lot of good things in this game. He is going to be a key factor for the next game. I saw a lot of positives from Sam. He’s a handful for teams when he is in that key,” sabi ni Marty.

Alam ni Deguara na malaki ang kanyang maitutulong kung ma­kakaiwas siya sa foul trou­ble.

“Less fouls. It’s a prob­lem that we have to fix. We did a good job, but we need to bounce back and do a better job next time,” ayon kay De­guara.

Sa panig naman ni coach Alapag, muli siyang sasandal kina imports Justin Brownlee, nagtala ng 46 points, 11 rebounds at 9 assists  at Renaldo Balkman, su­muporta ng 39 markers at 15 rebounds kabilang na ang game tying follow-up sa mintis ni Brownlee sa free throw line para itabla ang laro, 121-121, at humirit ng five-minute extension.

“I was so amazed with the win. But I’m not happy with our de­fense that allowed them (Mo­no Vampire) to score 130 points. We have to be much better on Wednesday,” ani  Alapag.

Hangad ng Alab Pi­lipinas ang pang-apat na titulo ng bansa sa ABL kabilang na ang dalawa mula sa Philippine Patriots noong 2009 at 20­10 at ang ikatlo ay sa San Miguel Beermen nina June Mar Fajardo at Asi Taulava noong 2013.