Manila 10s Rugby Festival ngayon
MANILA, Philippines — Iho-host ng San Lazaro Leisure Park sa Carmona, Cavite ang 30th Manila 10s International Rugby Festival ngayon na lalahukan ng 24 foreign at local teams sa limang dibisyon.
Magpapakitang-gilas ang mga rugby players mula sa Asia, Oceania at United Kingdom sa 100-meter pitch ng SLLP.
“It is dubbed by ESPN as the best social rugby tournament in the world,” sabi ni tournament Director Max Chicken Stewart.
Ang Manila 10s ay ang first-ever rugby tournament na idinaos sa Pilipinas na naging matagumpay simula nang ilunsad noong 1989 sa Nomads Sports Club sa Merville Park, Parañaque.
Hindi maidedepensa ng Cup 2017 champions Singapore Barbarians at Shield titlist Tokyo Gaijin ang kanilang mga korona ngunit matutunghayan naman sa aksyon ang RFC Eagles (Plate), Taipei Baboons (Bowl) at SCC Growlers (Veterans) sa kanilang mga dibisyon sa torneong inihahandog ng Nomads Rugby.
Sisimulan ng Ibons at Manila Samurais ang 35-game schedule ngayong alas-9 ng umaga kasunod ang paghaharap ng kapwa Group A teams na Subic Sharks at Tush Burkeyz sa alas-9:14.
Nakatakda ang 27-game quarterfinals, semifinals at finals bukas.
- Latest
