Rockets pinawisan sa panalo vs Wolves

MINNEAPOLIS — Nasukat ang kakayahan ng Houston Rockets para sa nalalapit na postseason. Kumamada si James Harden ng 34 points at 12 assists at tinulungan ang Rockets na matakasan ang paghahabol ng Minnesota Timberwolves sa fourth quarter para kunin ang 129-120 panalo.

Ito ang ika-26 tagum-pay ng Houston sa kanilang huling 28 laro kasabay ng paghuhulog sa Minnesota sa eighth playoff spot sa Western Conference.

Nagtala ang Rockets ng 25-point lead bago nakalapit ang Timberwolves sa limang puntos sa fourth period.

Umiskor si Harden ng 11 points sa huling 6:34 minuto ng laro, tampok dito ang 3-pointer sa natitirang 58 segundo para sa Houston at tuluyan nang paluhurin ang Minnesota.

“It’s good for us, man,” wika ni Harden. “We needed it. We needed to be in games like that. Obviously, having a big lead and losing it, we can’t let it happen, but if it does we’ve got to make sure we can keep our composure and get a good shot every time.”

Nagdagdag naman ng tig-16 points sina Chris Paul at Clint Capela.

“We get a little stagnant here and there, but we’re figuring it out,” sabi ni Paul. “We haven’t played too many close games all season long, so down the stretch we need that stuff.”

Kung magtatapos ang dalawang koponang ito na sila ang magkatapat sa first round ng playoffs, kailangang mag-effort ang Wolves na mas ma-ging consistent.

“We put ourselves in too big of a hole, you can’t do that,” said coach Tom Thibodeau, who bemoaned his team’s lack of intensity in the first half. “With where we are right now, the fight has to be greater.”

Pinamunuan ni Jeff Teague ang Timberwolves sa kanyang 23 points kasunod ang 21 at tig-20 markers nina Andrew Wiggins, Karl-Anthony Towns at Jamal Crawford, ayon sa pagkakasunod.

Nagsalpak ang Houston ng 11 triples para itayo ang 24-point lead sa first half kung saan naglista si Harden ng 10 assists.

Nakalapit ang Minnesota sa 110-115 agwat sa huling 3:58 minuto ng final canto na tinapos ni Trevor Ariza sa pamamagitan ng isang tres para muling ilayo ang Houston.