Red Warriors at Tigresses nagwagi sa UAAP lawn tennis

MANILA, Philippines — Pinasadsad ng Uni­ver­sity of the East ang  Ate­neo de Manila University, 3-0, sa men’s fi­nals para maitala ang ‘sweep’ sa UAAP Season 80 lawn tennis tour­nament kahapon sa Ri­zal Memorial Tennis Cen­ter.

Dinomina ni Philip­pine team veteran AJ Lim si Ino Canlas, 6-1, 6-1, sa second singles pa­ra pangunahan ang pag-angkin ng Red Warriors sa kampeonato.

Bagama’t hindi na­kalaro si Lim sa series ope­ner dahil sa commit­ment sa Philippine Davis Cup squad ay naga­wa pa ring ipanalo ng UE ang siyam nilang la­ro sa kabuuan ng torneo.

Sa wo­men’s division naman, tinapos ng Uni­ver­si­ty of Santo To­mas ang ka­nilang four-year title drought matapos ku­nin ang 3-1 panalo kon­tra sa Ateneo.

Kinuha nina Da­nica Bautista at Ge­nevieve Ca­orte ang 6-3, 6-3 panalo laban kina Jana Pa­ges at Carmen So sa se­cond doubles upang kumpletuhin ang pa­nalo ng Tigresses sa Lady Ea­gles. FMLumba