Perez nagbida sa panalo ng movers

MANILA, Philippines — Muling nagpasiklab si Cuban import Maria Jose Perez para iangat ang nagdedepen­sang F2 Lo­gistics sa 25-18, 23-25, 25-20, 25-16 pa­nalo laban sa Foton sa umi­init na 2018 Chooks to Go-Philippine Superli­ga (PSL) Grand Prix ka­hapon sa Muntinlupa Ci­ty Sports Center.

Sa likod ni Perez ay apat na sets lamang ang ki­nailangan ng Cargo Mo­­vers para masungkit ang ika-limang pana­lo sa anim na laro at ma­na­tili sa likuran ng Petron Blaze Spikers.

Bumagsak sa ikaa­nim na silya ang Tor­na­does, ang 2016 champion, sa ilalim ng Cignal HD at Sta. Lucia na nagsosyo sa ikaapat na posisyon.

Nagtala ng 15 atake at apat na aces ang F2 Lo­gistics para angkinin ang first set, 25-18, na natapos sa 23 minuto.

Ngunit bumawi ang Foton sa second set sa pangunguna nina import Brooke Kranda,  Elizabeth Wendel at Dindin San­tiago-Manabat para kunin ang 25-23 panalo.

Mas lalong hinigpi­tan ng Cargo Movers ang depensa para kunin ang third set, 25-20, sa pa­mumuno nina Cha Cruz at Aby Maraño.

Humataw si Perez ng 25 points kabilang ang 22 atake, dalawang blocks at isang ace para sa magandang pagdiriwang ng kanyang ika-30 kaarawan ngayong araw. FCagape