Simula na ang laban ng Baby Tams
MANILA, Philippines — Uumpisahan ngayon ng Far Eastern University-Diliman ang kanilang title retention bid sa pagsisimula ngayon ng UAAP Season 80 juniors basketball tournament sa Filoil Flying V Centre sa San Juan City.
Makakaharap ng Baby Tamaraws angLa Salle-Zobel Junior Archers sa ikatlong laro ng nakatakdang quadruple bill sa alas-2:00 ng hapon.
Sa iba pang mga laban, nakatakdang maupo bilang bagong coach ng National University si Goldwyn Monteverde sa pagsabak sa University of the East sa unang laban ganap na alas -10:00 ng umaga.
Pinalitan ni Monteverde ang long time coach ng Bullpups na si Jeff Napa na kasalukuyang head coach ng Letran sa NCAA.
Magtutunggali naman sa ikalawang laban ganap na 12:00 ng tanghali ang Ateneo de Manila University at Adamson University.
Samantala sa tampok na laban, magtatapat ang University of Santo Tomas at ang University of the Philippines Integrated School sa ika-4:00 ng hapon.
Ang rematch sa pagitan ng last year’s finals protagonists Baby Tamaraws at Bullpups ay sa Disyembre 3.
- Latest