Jaworski, Fernandez at 1973 Phl team pararangalan sa PSA Annual Awards
(Pang-masa) - January 17, 2015 - 12:00am

MANILA, Philippines - Matatanggap na rin ng 1973 Philippine men’s basketball team ang pagkilala na matagal na dapat nilang nakamit.

Nakatakdang ibigay sa koponang kinabibila­ngan nina living legends Robert Jaworski Sr. at Ra­mon Fernandez ang Lifetime Achievement Award mula sa Philippine Sportswriters Association (PSA) sa Annual Awards Night na inihahandog ng MILO sa susunod na buwan.

 Ginabayan ng namayapa nang si coach Valentin ‘Tito’ Eduque, ang Philippine team ang huling ‘pure’ Filipino squad na naghari sa FIBA-Asia Men’s Championship matapos magposte ng malinis na 10-0 record noong December 1-15, 1973 na idinaos sa Pilipinas.

 Tinalo ng koponan ang Korea, nagtampok kay shooter Shin Dong-pa, 90-78, para makakuha ng puwesto sa 1974 FIBA World Cup sa Puerto Rico.

 Ang iba pang miyembro ng koponan ay sina William ‘Bogs’ Adornado, Abet Guidaben, Jimmy Ma­riano, Francis Arnaiz, Yoyong Martirez, Manny Paner, Joy Cleofas, Big Boy Reynoso, Rogelio ‘Tembong’ Melencio at Dave Regullano.

 Ang 1973 team ang naging inspirasyon ng Gilas Pilipinas sa pagsikwat sa tiket sa 2014 FIBA World Cup sa Spain makaraan ang runner-up fi­nish sa 2013 FIBA-Asia meet.

 “Before Gilas, there’s the 1973 Philippine men’s team which did us all proud by winning the FIBA-Asia Championship right in front of basketball-loving Filipino fans. It is only fitting then for the entire team to be recognized by the PSA as the recipient of the Lifetime Achievement Award du­ring its Annual Awards Night,” sabi ni PSA president Jun Lomibao ng Business Mirror.

 Noong nakaraang taon ang mga binigyan ng pag­kilala sa annual rite sina legendary basketball player Carlos ‘Caloy’ Loyzaga, dating Internatio­nal Olympic Committee (IOC) representative to the country Francisco ‘Frank’ Elizalde at si one-time FIBA Asia secretary-general Mauricio ‘Mo­ying’ Martelino.

ABET GUIDABEN ANNUAL AWARDS NIGHT ASIA CHAMPIONSHIP ASIA MEN BEFORE GILAS BIG BOY REYNOSO LIFETIME ACHIEVEMENT AWARD SHY WORLD CUP
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with