Sa kabila ng kanyang namamagang kamay Coveta binitbit ang Phl flag sa opening ceremonies
BRepizo-Meraña (Pang-masa) - September 20, 2014 - 12:00am

INCHEON, Korea -- Pi­nangunahan ni windsur­fer Geylord Coveta ang pagmamartsa ng Philippine delegation bilang flag bearer kagabi sa parada ng mga bansang kasapi sa opening ceremonies ng 17th Asian Games sa In­cheon Main Stadium dito.

Sa pagbibitbit niya ng ban­­­­dila ng bansa ay ki­­na­­ilangang i­ngatan ni Co­­veta ang kanyang na­ma­ma­gang kanang ka­may na dalawang taon nang problema niya.

Namamaga rin ang kan­­yang mga daliri na kai­la­ngan niya sa pagkontrol ng mast sa kanyang ha­­ngaring manalo ng gold medal sa SA:Mistral event ng windsurfing com­­petition.

“Two years na rin itong pabalik-balik,” sabi ng 33-anyos na mula sa Ani­lao, Batangas. “Pero sa­­na maging maayos agad ang lagay ko before the com­­petition.”

Pinayuhan ni Philippine team physical therapist Mar­lon Dagatan si Co­veta na ipahinga ang ka­may at alalayan ang kamay kapag nagte-training.

Nilagyan ni Dagatan ng tape ang kamay ni Co­veta upang mabawasan ang pamamaga. Sinabihan din niya itong mag-the­­rapy.

“Na-overuse ‘yung right hand niya kaya kaila­ngang ipa­hi­nga,” sabi ni Daga­tan kay Coveta.

Biglang hinugot si Co­veta para maging flag bearer sa pag-atras ni  Japeth Aguilar ng Gilas Pilipinas na hindi makakadalo sa opening ceremonies ng Asian Games.

ASIAN GAMES BATANGAS BIGLANG DAGATAN GEYLORD COVETA GILAS PILIPINAS JAPETH AGUILAR MAIN STADIUM SHY
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with