‘Misis’ Sumama sa Iba

Dear Vanezza,

May problema po ako sa aking anak na lalaki. Iniwan siya ng kanyang ka-live in at nasa akin ang tatlo nilang anak. Lagi po siyang umiinom at nakikipag-away. Parang ayaw na niyang mabuhay. Ano po kayang mabuting gawin para limutin na niya ang babaeng yun? Ang balita ay sumama ito sa ibang lalaki. - Loren

Dear Loren,

Ngayon ay higit na kailangan ng tulong n’yo bilang kanyang pamilya. Mas ipadama sa kanya ang inyong pagmamahal at pag-aalala. Ipaunawa sa anak na hindi dapat madamay ang mga bata sa kasalanan ng kanilang ina. Hindi niya dapat pabayaan ang mga anak.  Ipagpasa­lamat niya na hindi siya kasal sa babaeng yun. Hindi pa katapusan ng mundo makakatagpo pa siya ng babaeng matino na mamahalin siya anuman ang nakaraan niya.

Sumasaiyo,

Vanezza