Nobya napipilitan makipagtalik kay manong

Dear Vanezza,

Ako po ay 60 years old at biyudo. May ka-live in akong 25 anyos na dalaga. Sunod siya sa luho at pamilya niya. Maalaga at mapagmahal siya. Hindi ko lang sigurado kung totoong mahal niya ako. Hindi ko maramdaman ang init ng pag-ibig niya. Dama ko na napipilitan siyang makipagtalik sa akin. Niyayaya ko siyang magpakasal, pero ayaw naman niya. Baka raw isipin ng aking mga anak na habol lang niya ang pera ko. May pamilya na ang mga anak ko at suportado nila ako sa GF ko. Mahal kaya ako ng GF ko?

Mang Ceasar

Dear Mang Ceasar,

Posibleng pumatol lamang siya sa iyo dahil sa pera. Pero hindi malayong kahit para ka na niyang lolo ay matutuhan ka rin niyang mahalin. Kaya huwag mo nang pagdudahan ang katapatan ng iyong kinakasama. Makuntento ka na lang sa maganda niyang ipinakikita sa iyo.

Sumasaiyo,

Vanezza