Australian ringtail possum ginawang palaruan ang likod ng aso

Sa unang tingin ay natakot si Sally Watkinson nang makitang may maliit na hayop na nakasabit sa kanyang alagang si Kato na isang Puli dog.

Ibinahagi ni Sally ito sa kanyang social media kung saan nakita niyang may Australian ringtail possum na nakasabit kay Kato.

Tatlo ang alagang Puli dog ni Sally at ni isa sa mga ito walang nakapansin na may iba pa silang kasama.

Hinayaan nila ito hanggang sa umalis na ang possum. Ngunit kinabukasan nang mamasyal sila kasama ang kanyang mga aso, nagulat siya dahil may nakasabit na namang possum sa isa sa kanyang mga aso. Tila naglalaro pa ito sa likuran ng kanyang iba pang aso na walang kamalay-malay. Agad na ipinagbigay alam niya ito sa wildlife rescue.

“This one was annoying him a bit more as it seemed to be digging in a bit, Hugo [her other dog] was still ignoring it,” sabi ni Sally sa Facebook post.

Maging ang mga vete­rinarian ay nagulat sa kanilang nakita. Ini-release rin nila agad ang baby possum sa wild.