Panalangin at agenda ni misis

Hindi maiaalis na minsan na ipinagdarasal ng asawang babae na sana ay ma­ging “better” husband ang partner, para maging mabuting misis din sa kanyang asawa.

Nakakahiya man aminin na may pagkakataon na nasasambit ang ganitong kataga lalo na sa mga bago pa lamang kasal o nagsasama. May punto pa na ang wish na sana ay iba na lang ang piniling pinakasalan at nakasama sa buhay.

Iniisip na ang lahat ng problema at mga responsibilidad ay nababaling ang sisi lamang sa asawa.

Bunga ito ng makasariling ambisyon ng mga misis na kailangang baguhin ang pag-iisip. Maaaring ang sariling idea ay hindi swak o tugma sa style at diskarte ng asawa na nagkakasalabat na lamang ang mga problema.

Kailangang magbago ng tamang agenda  na ipaalam kay mister upang magkaunawaan. Imbes na sisihin lamang si mister ay magpakumbaba na makipag-usap para mabigyan ng solusyon ang problema ng pamilya.  Magdasal na maging better wife na simulan ito kasama si mister kaysa isisi lamang ang lahat ng problema sa  iyong partner.