Feeling superman si mister

Naaalala pa ba nung kinasal na excited at nenerbyos. Dahil pinakasalan ang lalaking iyong pinapangarap. Noon pa man gusto ng mga babae na simulan ng tama na kailangang malaman kung paano magiging mabuting misis.

Pero habang tumatagal nagiging malinaw na ang pag-aasawa ay hindi puro roses, romansa, at pagkanta habang nagluluto. Para mapanatili ang marriage ay kailangan din ng hard work. Hindi lahat ng oras ay masaya, pero worthy na ipaglaban kahit sa gitna ng maraming hindi pagkakasundo ng mag-asawa.

Tandaan, laging respetuhin si mister, lalo na kung nasa publiko. Hindi kailangang maging perfect na misis. Kundi simpleng maybahay na laging nagbibigay ng respeto at honor kay mister sa lahat ng oras sa pribado o public man.

Kung  mayroong dapat na pagdiskusyonan na contradict sa kanya, puwedeng hilahin sa tabi si mister o i-share sa kanya mamaya kapag kayo na lang dalawa.

Laging maging proud kay mister na huwag mahiyang ipagyabang ito sa iba. Puwedeng nagpapalaki ito ng kanyang ulo, pero ang mahalaga; alam ni mister na proud si misis sa kanya na feeling niya ay siya si superman.