Pobreng kalagayan ng OFW

Ang pamilya na umaasa sa money remittance mula sa kamag-anak na overseas Filipino workers na ang tendency ay gumastos na akala mo ay wala nang bukas.

Ang payo ng mga financial advisers ay maghunos dili ang mga member ng pamilya. Hindi masama ang bumili ng mga gamit o items na kailangan. Pero sa obserbasyon na walang pakundangan ang mga naiiwang pamilya sa ‘Pinas na gumastos. Samantalang ang mga OFW, pambili na lamang ng ticket para umuwi ay dini-deprive pa ang sarili para lang may maibigay sa umaasang pamilya. Walang ititirang pera sa kanilang bulsa, mapasaya lamang ang naghihintay sa kanilang padala.

Kailangang paalalahanan ang pamilya at mga anak na lahat ay magtipid, mag-invest, at matutong gastusin ng tama ang pera. Kung kinakailangang tiisin muna ang mga kamag-anak, mabuti kung immediate na pamilya.

Pero madalas ay maraming umaasa na lamang sa padala at paghingi sa mga OFW. Sa bandang huli, kawawa at pobreng OFW na walang naiipon dahil naaawa sa mga humihingi at umaasa na lang na mga kaanak nito.