‘Misis’ pinagbabantaan kapag nang-iwan

Dear Vanezza,

Madalas na binubugbog ako ng kinakasama ko dahil sa pagseselos niya. Akala po niya nanlalalaki ako. 3rd sex ako pero ganap na babae na ako ngayon. Nung b-day ng friend ko habang nagsasaya kami dumating siya kinaladkad ako pauwi kahit madaming tao. Gusto ko na po siyang iwanan pero pinagbabantaan niya ako na papatayin. - Lei

Dear Lei,

Hiwalayan mo na siya bago ka pa niya mapatay. Wala ng respeto sa’yo ang kinakasama mo kaya wala ng dahilan para magtagal pa ang inyong pagsasama. Masakit dahil kung sino pa ang minamahal mo ay siya pang nananakit sa’yo. Kaya kung may natitira ka pang pagmamahal sa iyong sarili, kalasan mo na siya. Kung binabantaan ka niya, puwede kang magpa-blotter sa barangay bilang proteksiyon mo o humingi ng tulong sa iyong pamilya.

Sumasaiyo,

Vanezza