Mahal pa ang dating asawa

Dear Vanezza,

May asawa na ako at 4 na ang anak ko, pero hindi kami kasal ng kinakasama ko ngayon. May isang anak ako sa una kong asawa at ngayon nagkausap kami nung una kong asawa na mahal pa rin daw niya ako kesa sa partner niya ngayon. Mahal ko pa rin siya. Ano po ang dapat kong gawin?

Jesy

Dear Jesy,

May kanya-kanya na kayong pamilya. Magiging kumplikado lang ang lahat kung muli ninyong babalikan ang inyong nakaraan. Kahit hindi kayo kasal ng kinakasama mo ngayon, hindi naman ganoon kadali ang iwan ang iyong mga anak. Timbangin mo, ang iyong kaligayahan o ang mga taong inyong masasaktan? Kaya pag-isipan mong mabuti. Mag-usap din kayo ng una mong asawa sa posibleng kahihinatnan kung susundin ninyo ang nararamdaman ng inyong puso.

Sumasaiyo,

Vanezza