Kontra sa Stress
SINUSUWERTE KA! - Fortuna (Pang-masa) - June 13, 2019 - 12:00am

Makatutulong ang mga sumusunod na feng shui tips para maiwasan ang stress sa trabaho:

1--Kung napapansin mong patuloy pa rin nakadispley o nakatambak sa inyong opisina ang sirang mga machines o furniture, ikaw na ang mag-suggest sa kinauukulan na ito’y alisin kaagad dahil nagbibigay lang ito ng negative energy sa mga empleyadong gumagamit ng kuwartong kinalalagyan nito.

2--Ang epekto ng mga sirang gamit ay nag-iisip mag-resign ng empleyado; nawawalan sila ng focus; tinatamad silang magtrabaho kaya madalas mag-absent.

3--Mas matindi ang stress na nadarama ng empleyadong ang puwesto ay nakatalikod sa entrance ng opisina. Pumili ng puwesto kung saan nakikita mo ang pumapasok at lumalabas sa pintuan.

4--Laging maglagay sa bulsa o bag ng white jade, bukod sa nagbibigay ito ng suwerte, ito rin ay healing stone.

5--Gumamit ng kuwintas, bracelet o singsing na lapis lazuli. Nakakatulong ito para mabawasan ang stress na nadarama.

6--Kung ang trabaho mo’y kamay ang pangunahing ginagamit kagaya ng typist, writer, artist etc., mainam na magsuot ng bracelet o singsing na yari sa hematite or lapis lazuli.

7--Magdispley ng brass figurine ng kabayo at unggoy sa iyong table sa opisina at sa side tables ng iyong bed. Para balan­ce, ipuwesto ang dalawa sa magkabilang sides ng  working table o magkabilang sides ng bed. Puwede rin ang larawan ng dalawang nabanggit na hayop kung walang makitang brass figurine. Ang kabayo ay simbolo ng lakas samantalang ang unggoy ay proteksiyon sa kalusugan.

FENG SHUI
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with