Hambog at toxic na mister
Dear Vanezza,
Wala kaming communication ng dati kong mister. Kundi mga teenagers na mga anak ko lang ang kausap niya. Ang problema ay gusto ng tatay nila na isama sila sa mga lakad nito. Pero ayaw ng mga anak ko dahil nadala na silang sumama na puro inuman lang naman na hindi trip ng mga anak ko. Ngayon ang katuwiran ng mga anak ko ay hindi ko sila na pinapayagan para lang hindi matuloy ang lakad nila. Nangungulit na gustong kunin ang number ko eh ayaw ko rin kausap ang toxic at hambog nilang tatay. Ano ba ang gagawin ko? – Jane
Dear Jane,
Pumagitna kung naiipit na ang iyong mga anak. Sabihin ang totoo na ayaw ng mga batang sumama. Upang matigil na ang pangungulit sa mga anak na walang amor sa kanya. Kung walang gustong makipag-usap ay hayaang lumipas ang okasyon. Sa susunod na mag-aya, malayo pa lang ay tumanggi na para hindi na umasa ang tatay nila.
Sumasainyo,
Vanezza
- Latest