Nasusunog na Investment ng OFW

Ang problema sa mga overseas Filipino workers ay kawalan ng disiplina sa paghawak ng kanilang kinikita. Iniisip na komo mas  mataas ang suweldo sa abroad ay puwede nang bilhin ang lahat ng kanilang gusto.

Lalo na kung humihirit ang paghingi ng mga anak, asawa, kapatid, at ibang kamag-anak o kaibigan.

Nandiyan na walang pakundangan ang pagbili ng mga expensive na mobile phone, laptop, designer bag pa talaga na ayaw ng mga mumurahing gamit na talagang gusto ay mga branded pa na items. Hindi rin mawawala ang pagbili ng mga alahas. Hindi masama ang bumili, pero dapat ay yung afford lamang lalo na pagkatapos makapagtabi na ng savings kahit gaano man ito kaliit.

Pero ang mga nabibiling items ay hindi investment kundi na siyang umuubos ng pera ng OFW. Kagaya ng cell phone na kapag binili pagkalipas ng dalawang taon ay masisira na kailangang ipa-repair, sa malas ay mas mahal pa ang repair kaya bibili na lang uli. Ang point, ang mga nabibiling bagay ay hindi investment. Ang advise sa mga OFW ay matututong mang-invest sa mga mapapakinabangan bagay o gamit balang araw upang maibalik din ang puhunan o pera na hindi lahat ay basta na lang nilulustay.

Makatutulong kung sasabihin sa pamilya ang target na investment, para alam nilang unahin ang priority bago ang kanilang mga luho sa buhay.