Nabuntis ng Ka-chat na Foreigner, Ayaw Panagutan ang GF

Dear Vanezza,

Nakilala ko ang foreigner kong BF sa chat dating site. Dalawang buwan siyang nag-stay sa amin. Ngayon ay bumalik na siya sa U.S. Ibinalita ko sa kanya na buntis ako, pero ang problema ay gusto niyang ipa-DNA test ko ang magiging anak namin upang masigurado niyang siya ang tatay. Wala naman akong ibang kilala o kasamang lalaki kundi siya lamang. Ano ba ang gagawin ko? – Michelle

Dear Michelle,

Gawin mo ang request niyang magpa-DNA upang malaman niyang tapat ka sa inyong relasyon at nang mawala ang kanyang pagdududa. Kung ayaw ka niyang pakasalan, at least ay manghingi ka ng suporta para sa inyong anak. Magsilbing aral na huwag magpapaloko agad lalo kung nakilala lamang sa chat room.

Sumasainyo,

Vanezza