Binabalikan ng ex
Dear Vanezza,
May ka-live-in ako, 5 yrs na kami at may isang anak. Sa loob ng mga taong pagsasama namin lagi kaming naghihiwalay at nagbabalikan kasi nahuhuli ko siyang maraming babae at bakla. Pero may komunikasyon pa rin kami. Gusto niya magbalikan kami pero ayaw ko na kasi sinasaktan niya lang ako. Sana po matulungan niyo ako kung paano ko siya makalimutan dahil hanggang ngayon mahal ko pa rin siya kahit maraming beses na niya akong niloko. - Evie
Dear Evie,
Kung makikipagbalikan ka sa kanya, tiyakin mong hindi ka na niya sasaktan at titigil na sa pambababae at pambabakla. Isaalang-alang mo rin ang kapakanan ng iyong anak at hindi lang ang pagmamahal mo sa kanya ang iyong isipin. Hindi magiging normal ang paglaki ng bata kung ang kakamulatan niyang pamilya ay magulo. Sa halip makipagbalikan, bakit hindi mo muna ituon ang panahon kung paano mo mapapalaki ng maayos ang iyong anak at magkaroon ng maginhawang buhay.
Sumasaiyo,
Vanezza
- Latest