Ampon kaagaw sa pagmamahal ni nanay

Dear Vanezza,

Isa akong ampon sa bahay namin. Wala akong problema kay nanay na tunay na anak ang turing sa akin. Pero yung dalawang kinakapatid ko na mas matanda sa akin ay salbahe. Mabait lang kapag nandiyan si nanay, pero kapag wala si nanay ay kinakawawa ako. Gusto ko sanang magsumbong, pero ayaw ko naman na mag-away sila dahil sa akin. Insecure sila na akala nila ay kaagaw ako sa pagmamahal ng nanay nila. So tiis na lang ako. Hanggang kailan kaya ako magtitiis? – Khea

Dear Khea,

Patuloy na suklian sila ng kabutihan upang wala silang masabi sa iyo. Pero puwedeng umalma kung below the belt na ang ginagawa nila sa iyo. Huwag kang pumayag na apihin ka. Ipagtanggol ang iyong sarili kahit ampon ka. Hindi ito lisensya upang maging salbahe sila sa iyo.

Sumasainyo,

Vanezza