Kayamanan ng OFW

Maraming Filipino ang iniiwan ang bansa araw-araw para magtrabaho sa apat na sulok ng mundo. Kung meron lamang ma­laking pagpipilian sa ‘Pinas ay hindi na iiwan ang pamilya.

Puwedeng sabihin na mayroong secure na trabaho sa bansa, pero madalas ay nakasalalay lamang sa regular na sahod. Limitado rin ang budget sa pag-aaral pa lang ng mga anak. Bukod pa ang ibang bayarin na kinakain ang budget ng pamilya.

Samantalang ang mga overseas Filipino workers ay mas magandang buhay kung kaya naeengganyo rin ang ibang kababayan na sumabak na magtrabaho kahit iwan si misis at mga anak.

Malaking advantage ang pagiging OFW lalo na sa usaping pera at sahod. Kadalasan doble o triple ang sahod ng OFW kumpara sa natatanggap na income sa bansa. Ang mga overseas employers din ay mas generous sa pagbibigay ng bonus, benefits, at magandang proteksyon sa OFW. Pero huwag agad basta na maniwala sa mga advantages na hindi maiiwasan na marami pa rin ang naloloko. Bago tuluyang magdesisyon na maging OFW at tuluyang mangibang bansa ay pag-aralan muna ang mga detalye ng kontrata at disadvantages ng pagtatrabaho sa ibang bansa kapalit na hindi makakasama ang asawa at mga anak. Maaaring kumita ng material na benepisyo na pangsamantala lamang kaysa sa totoong kayaman na makapiling ang pamilya.