Kontrabidang Nanay
Dear Vanezza,
Gusto kong maging singer, pero hindi supportive si nanay. Kung kaya ayaw niya akong mag-enroll sa music o theater course. Wala raw pera sa ganung kurso. Gusto niya na mag-engineering ako, pero hindi ko naman hilig yun kahit magaling ako sa math. Iniisip ko na sundin na lang ang payo ni nanay dahil sabi nga nila mommy knows best.
Pero wala sa plano ko ang maging engineer. Kundi nasa music at theater. Hindi ko naman hangad ang yumaman bagkus ay palawakin ang kaalaman ko sa music. Ano ba ang dapat kong gawin? – James
Dear James,
Ang totoo ay natatakot lamang si nanay na ikaw ay mabigo at hindi magkaroon ng stable na trabaho. Pero ikaw pa rin ang magdedesisyon dahil ikaw ang mag-aaral. Or else ay masasayang lang ang oras at pera dahil hindi engineering ang hilig mo. Ipaliwanag kay nanay ang plano mo.
Kung tutuusin ay marami na ang yumaman dahil sa pagiging singer. Pero minsan hindi lahat ay puro patungkol sa pera, kundi sa pagsunod sa iyong passion sa buhay.
Sumasainyo,
Vanezza
- Latest