Bilin ng OFW na misis

Bago iwanan ang mister sa bansa, importante sa mga misis na overseas Filipino workers na turuan ang asawa sa mga kaila­ngan ng pamilya. Ibilin ang mga household management, mga bayarain, sino ang tatawagan in case of emergency, ano ang dapat gawin sa mga importanteng bagay. Ipakilala si mister sa mga pediatrician, dentista, teachers, at counselor ng mga anak. Iwanan ang mga mahahalagang cell phone numbers ng mga nabanggit. I-orient si mister kung paano mag-shopping. Noted ang mga lalaki na lagay na lang nang lagay ng mga items sa cart. Ituro kay mister na huwag hayaan ang mga bata na pumili ng mga bibilhin na ilalagay sa cart. Paniguradong sosobra ang budget sa pag-shopping. Maging detalyado na ituro kung anong brand ang dapat bibilhin sa kanilang mga ginagamit mula sabon, gatas, at pagkain. Hindi pa kasali usaping na panatilihin ang kaligtasan ng mga anak at bahay. Ipaalala kay mister na laging i-check ang mga electrical outlet, matatalim na bagay, at ibang hazard na posibleng ikapahamak ng mga anak at ibang miyembro ng tahanan.