Pabor ka bang palitan ng pangalang maharlika ang ‘Pinas?

“Why not? Maganda naman ang ipapalit. Republika ng Maharlika. Mas may kasaysayan at sense. Nakita ko sa Internet, ang ibig sabihin ng Maharlika ay feudal warrior class o noble. Syempre maraming kokontra rito pero malamang, marami rin ang may gusto ng idea dahil mas uplifting sa mga Pinoy na matawag na Maharlika ang kanilang bansa.” - Leif, Batangas

“Majority wins na lang siguro. Kasi away-away na naman yan. For me kahit ano lang po at kung ano ang mas makabubuti. Titimbangin naman yun ng batas eh, hehe!” Nathan, Caloocan

“Hindi na. Mas okay na sa akin yung Pilipinas. Tama na yun. Pag-aawayan na yan. Ilang dekada nang ganito ang pangalan ng bansa. Bakit pati ito pinag-aawayan samantalang napakaraming mas kailangang pagtuunan ng pansin ng mga lawmakers natin.” - Chi, Quezon City

“Pabor ako pero alam naman natin na malabong mangyari yan. ‘Di naman ganun-ganun na lang ang magpalit ng pangalan ng bansa. Pangalan pa nga lang ng tao, mahirap na, bansa pa kaya? Isipin niyo na lang lahat ng Pinoy apektado niyan. Siyempre kailangan i-update ang lahat ng papeles na meron sila.”  - Gary, Pasay