Bull shark naanod sa kalye

Laking gulat ng mga residente sa isang lugar sa Australia ang kanilang nakita pagkatapos sila hagupitin ng malakas na bagyo.

Habang nagbabalita ang isang reporter sa area kung saan marami ang napinsala, tumambad sa kanya ang isang bull shark na may katamtamang laki.

Patay na ang naturang pating na nabalutan pa ng makapal na putik.

Ayon sa International Shark Attack File, ang bull shark ay isa sa pinakamapanganib na specie at marami nang naitalang pag-atake nito.

Nagbigay ng babala ang local Fire and Emergency Services ng lugar dahil maaari rin daw may iba pang pating, buwaya o ano mang mapanganib na hayop na nanggaling sa dagat ang pwede nilang makita sa kalye.

Pinayuhan din ang mga residente na mag-ingat at lumayo muna sa dagat, ilog o anumang yamang-tubig.