Laging Tamang Hinala ang Trip ng GF

Dear Vanezza,

Sawang-sawa na ako sa drama ng nobya ko na lagi na lang may tamang hinala. Lahat na lang may meaning ang ginagawa ko. Kesyo may ka-text, ka-chat, o ka-fling ako. Kung sinu-sino na lang ang pinagseselosan ng ka-live ko sa opisina namin. Wala na akong mukhang maipakita sa ka-team ko dahil sinugod niya ito at kung anu-ano ang pinagsasabi sa kanya. Minsan naiisip ko buti na lang hindi pa kami kasal paano na kung nakatali na ako sa kanya. Nagsasawa na ako sa pang-aaway ng GF ko. Tama ba na makipaghiwalay na ako? – Cecile

Dear Cecile,

Kaya siya nagseselos ay dahil nai-insecure ang dyowa mo dahil magkasama nga kayo sa bahay, pero hindi ka pa rin niya maangkin dahil hindi pa kayo kasal. Puwedeng kausapin at paliwanagan ang GF mo. Pero kung desidido ka nang makipaghiwalay, mas maganda dahil maagang nakilala ang tunay niyang magkatao na possessive at insecure na misis.

Sumasainyo.

Vanezza