Anak gustong palayasin si tatay

Dear Vanezza,

Suko na ang mga anak ko sa tatay nila na mas inuuna pa ang pagsusugal kaysa asikasuhin kaming pamilya niya. Isang linggo nang hindi nauwi ng bahay ang tatay nila. Bukod tanging ako lang ang naghahanap buhay sa amin. Gusto ng mga anak ko na palayasin na ang tatay nila kapag umuwi ito ng bahay. Pinipigilan ko ang galit ng mga anak ko na manahimik dahil ayaw kong mag-away silang mag-aama. Ano ba ang gagawin ko? – Min

Dear Min,

Tama na ikaw ang mamagitan sa inyong mag-aama. Ikaw ang kumausap sa inyong mister na nasasaktan ang mga anak ninyo sa ginagawa niya. Makatutulong kung pakiusap ang kapatid niya na huwag na lang magbigay ng pera sa utol niya. Bagkus ay ideretso na lang sa iyo na pambili ng bigas. At kausapin ng utol niya ang mister mo na tumino na magtrabaho bilang padre de familia ng inyong tahanan.

Sumasainyo,

Vanezza