Manugang na madamot sa biyenan

Dear Vanezza,

Hindi ako maintindihan ng misis ko sa pagbibigay ko ng pera at pagtulong ko sa nanay at mga kapatid ko. Palibhasa ay galit siya sa masamang ugali ng biyenan ko na walang pakialam sa kanya. Hindi sanay ang misis ko na magbigay ng tulong sa magulang niya bilang magkahiwalay na ang parents niya. Mas gusto pang makasama ng nanay niya ang BF nito kaysa sa tulungan at makapiling siya. Pero ako ay hindi ko matitiis ang mahal kong nanay. Ano bang paliwanag ang gagawin ko? – Alma

Dear Alma,

Basta hindi naapektuhan ang budget ninyong pamilya tiyak na hindi magrereklamo ang iyong misis. Balansehin mo ang iyong pag-budget sa inyong pera upang walang butas na makita si misis sa pagtulong mo sa inyong pamil­ya. Puwede rin palihim upang walang isyung kayong pag-aawayan. Patuloy ka lang maging mabuti sa iyong nanay at kapatid hanggang kaya mo. Upang hindi ka mawalan ng blessing sa pag-aalaga ng iyong magulang.

Sumasainyo,

Vanezza