Apo damay sa galit ni lolo
Dear Vanezza,
Hindi ako nakatapos ng pag-aaral dahil nagtanan kami ng mister ko. Dalawa na ang anak namin ay hindi pa rin ako mapatawad ng daddy ko kahit maayos naman ang buhay ko kapiling ang mister at mga anak ko. Gusto ko lang sana makasama ang daddy ko uli tuwing may okasyon upang makilala rin niya ang dalawa niyang apo. Pero pati sila ay damay sa galit pa rin ng tatay ko. Ano ba ang puwede kong gawin upang mapawi ang sama ng loob ng daddy ko? – Khea
Dear Khea,
Magulang ka na ngayon, na balang araw ay maiintindihan mo rin ang nararamdaman ng tatay mo na hangad niya ay magkaroon ka ng mas magandang buhay kung nakapagtapos ka ng iyong pag-aaral. Wala kang ibang dapat gawin kundi ang maghintay na lumambot ang puso ng iyong tatay. Patuloy mo pa rin siyang suyuin at ipakilala ang iyong mga anak. Kadalasan ay lumalambot ang puso ng mga lolo dahil sa mga apo.
Sumasainyo,
Vanezza
- Latest