Nobya Inahas ng BFF

Dear Vanezza,

Ako po’y kumukuha ng kursong Fine Arts. Lagi po akong nasa Dean’s lists sa department namin. Isa ako sa pambato ng klase namin. Pero ngayon ay nawawala ako sa pokus nang iwanan ako ng GF ko dahil nabuntis siya ng bestfriend niya at nagpakasal sila. Hindi ako makapag-concentrate o maka-move on. Hindi ko matanggap na inahas ako ng itinuturing ko na ring BFF. Ano po ang gagawin ko? - Salvador

Dear Salvador,

Huwag mong pabayaan ang pag-aaral mo. Mabuti ay nakilala mo agad ang tunay na ugali ng GF at BFF mo. Ibaling mo ang iyong atensyion sa iyong pag-aaral. Lilipas din ang panahon na hihilom ang iyong sugat. Ang best revenge raw ay pagkakaroon ng magandang buhay. Kaya isipin mo na lang ang magandang future na naghihintay sa’yo.

Sumasaiyo,

Vanezza