Sikat na model, ibinahagi ang sikreto ng makinis na mukha

Isa sa leading model ng Victoria’s Secret na si Josephine Skriver ang nagbahagi ng kanyang beauty routine.

‘Wag kabahan dahil ang kanyang routine ay ‘di tulad ng ibang modelo na umuubos ng libu-libo para lamang magpaganda.

Pag-amin ni Josephine, dalawang beses sa isang linggo ay inaahit niya ang buhok sa kanyang mukha gamit ang regular razor.

Para sa modelo, mas maganda ito kesa sa pagwa-wax o pagbubunot ng buhok.

Hindi rin mamahalin ang gamit niyang pag-ahit dahil kagaya lamang ito ng mga pang-ahit na mabibili sa mga tindahan.

Mas makinis daw kasi tingnan ang make up at mas maganda sa litrato kapag inahit ang buhok kesa winax.

Noon pa man ay nauso na sa Japan ang pagsi-shave at kamakailan lamang, maraming Instagram bloggers ang umaming sini-shave na rin nila ang buhok sa kanilang mukha.