Slab City
ISANG bayan na matatagpuan sa California, USA ang Slab City.
Dito matatagpuan ang mga taong retired na sa trabaho, mahihirap, at walang matuluyan. Nagtutungo rito ang mga “slabbers” tuwing winter dahil higit na mainit ang temperatura sa Slab City kumpara sa ibang bayan sa Amerika.
Marami ang hindi nag-aakala na mayroong iskwater o informal settlers sa Amerika partikular na sa California (na isang maunlad at pinakasikat na state sa Amerika).
Ang mga tao sa Slab City ay gumagawa na lamang ng mga improvised na bahay mula sa mga kahoy at lumang sasakyan. Wala rin silang tubig at kuryente ganun din ang mga pampasaherong sasakyan na dumadaan sa lugar.
Sa unang rinig ay tila mahirap na tumira sa Slab City dahil mas malala pa ito sa kalagayan ng informal settlers dito sa atin na mayroong tubig at kuryente. Pero ayon na rin mismo sa mga taga-Slab City, masarap at komportale ang kanilang buhay dahil malaya silang nagagawa ang mga nais nila.
Tinatawag ng mga slabbers ang kanilang bayan na “the last free city in America.”
- Latest