Bulag na aso nakahanap ng bff
Pinatunayan ng mga asong sina Lily at Madison na ang pagkakaibigan ay walang pinipili. Hindi rin hadlang ang anumang kapansanan para mapagtibay ito.
Na-depress ang asong si Lily dahil sa kanyang biglaang pagkabulag na kanyang tinamo mula sa isang trahedya. Ilang linggong halos hindi kumakain ang nasabing Great Dane dog hanggang sa napagpasyahan ng nagmamay-ari sa kanya na mag-adopt ng isa pang aso, si Madison, nang sa ganoon ay may makalaro ito at eventually ay maka-recover sa depression.
Hindi nga nagkamali ang kanilang ‘guardian’ dahil mula nang dumating si Madison ay naging maganang kumain na si Lily.
Tila hindi na rin nito iniinda ang kanyang pagkabulag. Hindi na sila mapaghiwalay.
Gina-guide ni Madison si Lily para hindi ito maligaw sa pamamagitan ng magdikit nito ng kanyang katawan kay Lily.
Napansin din ng kanilang guardian na tila may sarili silang language at agad nagkakaintindihan kahit hindi nakikita ni Lily si Madison ay alam na nito kung saan nakapwesto ang kanyang best friend.
- Latest