Wais na Investment ng OFW

Kahit nasa ibang bansa ay kailangang mag-isip ng magandang investment ang isang overseas Filipino workers.

Kung ikaw ay business minded maaaring mas pagplanuhan ang paraan kung paano magsisimula ng negosyo sa iyong tahanan upang hindi na masyadong magastos. Upang makita rin ng pamilya ang inyong pinaghihirapan.

Maaari ring magbukas ng isang negosyo sa in­yong bayan na puwedeng sari-sari stores, kainan, o anomang negosyo na hilig ng kahit isa sa miyembro ng pamilya.

Mag-invest din ng savings para sa inyong retirement plan o insurance plan. Maging masinop sa inyong kinikita na kahit malayo sa ‘Pinas ay sikaping makapaghulog ng inyong contribution sa SSS, PAGIBIG, o kumuha ng educational plan para sa mga anak. 

Magdesisyon din na kumuha ng health at life insu­rance para sa pamilya upang masigurado ang financial security ng mag-anak para mayroong pagkukunan sa mga hindi inaasahang pagkakataon.