Magdyowa nag-sex sa itaas ng kotse habang traffic

Kakaiba ang ginawa ng magkasintahang tiga-St. Petersburg, Russia na naipit sa tagal at haba ng traffic. Imbes na mainis ang dalawa at magwala dahil nga sa walang usad na mga sasakyan, ipinakita na lang nila ang kanilang matibay na pagmamahalan. ‘Yun nga lang, sa ‘di kaaya-ayang paraan.

Nagpiyesta ang mga tao nang mapansin nilang may kakaibang ginagawa ang dalawa sa itaas ng kanilang sasakyan. Kitang-kita sa akto kung paano gumalaw ang kanilang mga balakang habang tuwang-tuwa sa atensyon ng mga taong nanood na lang sa kanila.

Sinasabing ang babae raw ay lango sa ecstasy, humampas pa nga ang ulo nito sa bubong ng kotse dahil sa sobrang pagkahayok.

Sa unti-unting pag-usad ng nasabing traffic, unti-unti na rin silang natapos sa ginagawa. Nang maabot na nila ang kaligayahan, hinalikan ng lalaki ang kamay ng babae saka pumasok na sa loob ng sasakyan.

May mga taong nag­reklamo sa ginawa nila pero may mga tao ring naaliw at hindi na rin ina­lintana ang traffic.

Samantala, hindi pa sigurado kung nakarating na ang nangyaring ito sa mga pulis.