Luya sa pagpapaganda

‘Di na lamang sa kusina pwedeng gamitin ang luya na paborito nating isahog sa mga pagkain o ilaga para inumin. Maaari na rin itong gamiting sangkap sa DIY (do it yourself) beauty recipes na tiyak na makatutulong sa inyong pagre-relax at pagpapaganda.

Detox Ginger Bath: Paghaluin ang 1/2 cup na Epsom salt at dalawang kutsara ng dinikdik na luya.

Ilagay sa bath tub o sa malaking palanggana. Ang luya ay nagpapa-increase ng circulation at nagbu-boost ng immunity habang ang Epsom salt naman ay nakatutulong na i-relax ang muscle at magbibigay ng much-needed na magnesium sa inyong katawan.

Refreshing Foot Bath: Paghaluin ang mustard powder (isang kutsara) at dinikdik na luya (dalawang kutsara), at maligamgam na tubig para sa isang fantastic na foot bath. Napatunayan na ang pagiging epektibo nito sa pagpapa-relax sa inyong paa na siguradong pagod sa maghapong lakaran.

Ginger-Lemon Body Scrub:  Pagsama-samahin ang 1/4 cup olive oil, 1/2 cup na asukal, dalawang kutsa­rang dinikdik na luya at balat ng lemon. Gamitin itong pang­hilod isang beses sa isang linggo.