Pangarap hinahadlangan ni nanay

Dear Vanezza,

First option ko ang kursong music o theater. Pero ayaw ni nanay dahil wala raw akong mapapala sa nasabing kurso. Dahil lahat ng classmates ko ay gustong mag-engineering, nakisali na rin lang ako sa kanila. Pero kahit anong gawin ko ay hindi ako enjoy sa pag-aaral ko ngayon. Ayaw ko naman madisyma si nanay dahil sinasabi niyang walang pera sa music o theater. Gusto ko nang magpalit ng kurso, pero paano ko ito sasabihin sa single parent ko na nangangarap para sa akin? – Miguel

Dear Miguel,

Subukan mong paliwanagan si nanay tungkol sa kursong gusto mo talagang kunin. Dahil ikaw din naman ang nahihirapan at sa bandang huli ay tiyak masasayang din ang perang pinaghihirapan ng nanay mo. Kung ipag­lalaban mo kung saan ka masaya, tiyak na mauunawaan ni nanay ang pangarap mo. Hindi totoong walang pera sa music o theater dahil marami na ang naging mayaman dahil sa larangang yan. Ang mahalaga ay gawin ang gusto mo sa buhay. Saka patunayan kay nanay na hindi ka nagkamali ng iyong kursong pinipili.

Sumasainyo,

Vanezza