Gugustuhin mo bang mag-abroad?
* Sabi ng lolo ko dapat daw noong unang panahon ay pumayag na si Manuel L. Quezon na tuluyan na tayong pasakop noon sa mga Amerikano. Eh ‘di sana ay maganda ang buhay natin ngayon, hindi natin kailangang mag-abroad. – Sam, Leyte
* Kailangan mo lang makuntento at maging masipag para makaraos ang pamilya. Hindi naman laging abroad ang sagot para maging masaya si mister at mga anak ko. – Shane, Davao
* Masarap kaya buhay sa abroad. Less ang hussle at disiplinado ang mga tao. Simple ang buhay. Hindi corrupt ang mga opisyal. Maganda ang serbisyo sa government at sa ospital. Hindi pinahihirapan ang mga tao. Ayaw ko man iwan ang ‘Pinas, pero nadidismaya ako sa kalakaran sa atin na maraming magnanakaw sa gobyerno kaya naghihirap ang ‘Pinas. – Erich, Manila
* Masaya naman ang buhay namin dito sa Pangasinan. Mabagal ang buhay, pero masaya ang buhay rito. Sa abroad, puro ka na lang trabaho. Tingnan mo, kapag tumatanda sila rito sa ‘Pinas nagre-retire bumabalik lang sa abroad kapag may sakit o summer time. – Malou, Pangasinan
* Katuwiran ko, ang Dios ng America na nagpapala sa kanila, ay Diyos din natin dito sa ‘Pinas na magpo-provide ng aming kailangan. Kung may chance, bakit hindi para makapagtrabaho. Pero ang tumira sa ibang bansa ayoko. Dito lamang naman sa Manila, Makati, Cubao, at ibang lugar ang matrapik at magulo. Pero sa amin dito sa Quezon ay simple at masaya ang kuntento naming buhay. – Liz, Quezon
- Latest