Nagsisising pinakasalan si Tatang
Dear Vanezza
Matanda ako ng 10 taon sa misis ko. Tatlong taon na kaming kasal. Nagtaka ako sa bigla niyang pagbabago. Malamig na siya at tumatanggi na kami’y magtalik. Pagod lang daw siya. Ang hinala ko’y nagsisisi siya sa pagpapakasal sa akin o may iba na siyang kinalolokohan. Paano ko malalaman ang totoo? – Mike
Dear Mike,
Huwag agad humusga at baka mali ang iyong akala, maaaring maraming dahilan ng isang tao. Magbakasyon o mag-date kayo para maibsan ang stress sa bahay. Kung hindi babalik ang dating init, dapat na kayong mag-usap ng masinsinan at baka may mas mabigat pang dahilan.
Sumasaiyo,
Vanezza
- Latest