Nagseselos si Mama kay Tita

Dear Vanezza,

Nag-away ang tita at mama ko dahil sa akin. Si tita na nagpapaaral sa akin. Nagseselos ang mama ko dahil mas close ako sa tita ko. Totoo, hindi dahil siya ang nagpapaaral sa akin, kundi anak ang turing niya sa akin. Samantalang sang mama ko na lahat na lang ay puro sermon, mura, at wala na akong ginawang tama. Inaway ni mama si tita na sinabihang huwag na ka­ming pakialaman. Natigil tuloy ang pagbibigay ni tita at hindi ako makakuha ng exam. Ano ba ang gagawin ko? – Hanz

Dear Hanz,

Nagseselos ang iyong mama sa tita mo. Kausapin mo ang iyong mama na bayaran ang tuition mo kung ayaw niyang patulungin ang iyong tita. Ipaalam mo rin ang iyong mama kung bakit ka malapit sa iyong tita. Upang magbago rin ang trato niya sa iyo. Mag-isip ka rin ng paraan kung paano sila magkakabati. Kung hindi ay maghintay ng tamang panahon na kalmado na sila pareho, para mag-usap sa kanilang isyu.

Sumasainyo,

Vanezza