Beauty Secret ni Tyra Banks

Isa sa biggest beauty secret ng international model na si Tyra Banks ang petroleum jelly.

Ito ay purified mixture ng semi-solid hydrocarbons derived from petroleum.

Napakaraming gamit nito lalo na sa pagpapalambot ng balat.

Narito ang ilang beauty tips kung paano gagamitin ang petroleum jelly mula sa mga experts.

Pantanggal ng make up – Una ay pahiran ang mukha ng jelly at punasan gamit ang malambot na bulak o tissue.

Pang-highlight ng cheekbone  – Isa ito sa mga sikreto ng ramp model. Dahil sa kanyang texture, kumikintab ang pisngi kapag nalag­yan ng petroleum jelly.

Pampatagal ng pabango sa katawan – Bago mag-spray ng pabango, ugaliing pahiran muna ito ng petroleum jelly para magtagal ang pabango maghapon.

Pang-ayos sa kilay – Ginagawa ito ng ilang atleta para kahit pawisan sila ay maayos pa rin tingnan ang kanilang kilay.

Pang-iwas sa split ends – Maglagay ng konting petroleum sa dulo ng buhok at saka ito i-shampoo at banlawan.

Pampalambot ng kalyo sa paa – Bago matulog, maglagay ng petroleum jelly sa paa at magmedyas.

Iwasan ang pagla­lakad pagkatapos para hindi madulas.