Anak May Hugot sa FB

Dear Vanezza,

Wala akong Facebook account pero sinusumbong ng kumare ko na nagpo-post daw ang anak kong babae ng mga problema namin sa bahay. Kaya ako tuloy ang tinatanong ng mga kumare ko kung ano ang pinagdaraanan ng anak ko sa buhay niya. Wala namang ikinukuwento sa akin ang anak ko. Pero nalungkot ako na kailangan pa niyang ibalita sa FB ang problema namin kaysa sa akin. Ano ba ang gagawin ko? – Lenlen

Dear Lenlen,

Kausapin ang iyong anak at itanong kung ano ang kanyang mga pino-post at bakit. Huwag ipagwalang bahala ang kanyang problema, kundi abutin ang anak. Magkaroon ng mas maraming oras na kausapin ang anak upang malaman ang kanyang mga pinagdadaanan. Turuan din ang anak na hindi dapat pino-post ang problema ng pamilya, dahil ang pribadong isyu ay hindi kailangang malaman ng buong mundo.

Sumasainyo,

Vanezza