Policy ng Kompanya

Taun-taon ay may ina­abot na kopya ng mga policies ang bawat kompanya para mapaalalahanan ang mga empleyado sa mga rules ng management.  Kailangang maintindihan ng mga employees na hindi dapat kinu-question ang wisdom ng management sa pamamalakad ng opisina. Lalo na kung hindi naman nilalabag ng kompanya ang mga rights ng empleyado sa kanilang kontrata.

Ang management ay may sariling rules at dahilan sa anomang hakbang sa pagpapatakbo ng negos­yo. Kailangang bigyan ng benefit of the doubt ng employees ang employer sa kanilang mga desisyon sa mga partikular na pagkakataon. Higit na mas alam ng management ang pamamalakad at kung ano ang dapat na gawin sa tamang action. Magtagumpay o bumagsak man ang business ay responsibilidad ito ng management.  Dahil nakasalalay ang kanilang puhunan, pera, resources, empleyado, pangalan, at reputasyon ang nakaambang sa bawat proseso ng pagdedesisyon sa negosyo.

Kung hindi mo gusto ang policy ng kompanya, puwedeng mag-resign sa iyong trabaho. Huwag nang sayangin ang iyong oras kung wala talaga ang puso mo sa trabaho. Kung hindi rin lang 100% ang ibinibigay ang best ng employees sa pagmamalasakit sa trabaho na puwede nang magpaalam sa supervisor. Dahil patas lang na huwag nang sayangin ang oras ng kompanya at 100% na sahod na natatanggap mula sa opisina na madalas ay sobra pa sa biyaya, lalo na ngayong mahirap maghanap ng trabaho. Pero sobrang considerate pa ang management na pamilya na rin minsan ang turing ng kompanya sa kanilang mga empleyado.