Mister Kakasuhan ng Pangangalunya

Dear Vanezza,

Ako po si Sally, 40 years old problema ko ang mister kong babaero. Dati ay uliran siyang asawa. Maganda ang kanyang trabaho bilang supervisor. Pero ngayong dalawa na ang anak namin ay nagbago na siya. Naging malamig na siya sa akin at halos hindi na nag-iintrega ng sahod. Natuklasan ko na may kalaguyo ang mister ko. Kinompronta ko siya na inamin niya. Huwag daw akong magreklamo at magpasalamat daw ako dahil hindi pa niya ako nilalayasan. Ano ang dapat kong gawin? - Sally

Dear Sally,

Maraming lalaki ang hindi kuntento sa iisang babae. Huwag maging martir at ipaalala sa iyong mister ang pangangalunya ay isang krimen na may nakatakdang parusa sa ilalim ng batas. Puwede mo siyang kasuhan ng concubinage. Alamin din kung bakit nagbago si mister na nauwi sa kanyang pambababae. Baka maayos pa ang problema at ma-save ang inyong marriage  alang-alang sa inyong mga anak.

Sumasaiyo,

Vanezza