Hustisya para sa DH

Isa sa  task ng domestic helper na Pinoy ay alagaan ang mga anak ng kanilang amo. Kapag may okasyon sa labas ay bitbit din ang mga DH na overseas Filipino workers (OFW) kahit sa loob ng restaurant.

Ang siste naiiwan ang DH sa waiting area o minsan sa tabi lang ng high chair na wala pang upuan basta bantayan lang ang mga bata. Pero hindi sila kasalo sa kainan.

Hindi lang ito nangyayari sa Saudi o Kuwait, kundi maging sa Dubai, Hong Kong, Singapore, Malaysia, at iba pang bansa na nararanasan ng mga DH na mayroong amo na mababa ang turing sa kanila. Ito ang kuwento ng mga DH sa kanilang mga umpukan. 

Tama na higpitan at i-check kung ano ang tunay na kalagayan ng OFW lalo na ang DH na may ilan na hindi pinapalad na magkaroon ng matitinong amo. Physical na trabaho ang pagiging DH na mentally at emotionally na stress. Tapos hindi pa pakakainin o bibigyan ng tubig. Tira-tirang pagkain lang ang ibibigay. Ginugutom na, may suspension pa, babawasan ng suweldo, at pinapatay ang mga kawawang Pinay. Saan ang hustisya para sa DH?