Tiwala sa teenager

Habang may kontrol at tini-train ang mga anak lalo na ang teenager, huwag kalimutan na bigyan ang anak ng privilege ayon sa inyong tiwala o trust relationship. Pangalawa, siguraduhin na kayang i-handle ng anak ang sitwasyon bago siya payagan na gawin ang isang bagay na ipinagpapaalam niya.

Nalilito ang mga magulang na inaakalang komplikado ang ganitong statement, pero hindi.  Maaaring may tiwala ang magulang sa mga anak, pero nakalimutang i-check muna ang sitwasyon kung akma ba sa isang okasyon na gagawin ng inyong teenager. Ang pag-check kung naaangkop  ang sitwasyon ay hindi ibig sabihin na wala nang tiwala sa anak. Kahit pa katiwa-tiwala o trust worthy ang teenager na may maayos ang intensyon.

Dahil mayroon pa ring sitwasyon na ayon lamang sa maturity para i-handle ng isang indibidwal. Sa ganitong kaso, kailangang protektahan ang inyong teenager sa pamamagitan ng pagbabanlanse at makutuwirang pag-check muna sa isang bagay.  Saka kausapin ang anak kung puwede o bakit hindi pumapayag sa isang activities.