Panlinis ng langis sa garahe
Sakit sa ulo ang tumatagas na langis sa sasakyan. Mas masakit din sa ulo kapag namantsahan ang inyong garage floor.
Mahirap kasi itong tanggalin ng tubig at sabon lang kaya bukod sa pangit tingnan ay malaking problema rin ang dulot nito.
Ang tip namin sa inyo ay budburan lang ito ng cat litter na nabibili sa mga pet shop o kahit ibang hardware, at durugin gamit ang sapatos. Tapak-tapakan ito hanggang sa madurog at iwan ng isang oras. Makalipas ang isang oras ay maaari na itong walisin. Madali nang matatanggal ang langis sa garage floor at mas madali nang hugasang ang natirang mantsa ng tubig at sabon.
Maaari rin namang gumamit ng WD-40 spray na nabibili rin sa hardware. I-spray lang ito at iwan ng 15 minuto bago buhusan ng tubig.
Ito po ang inyong Kumpunerong Kuya na nagsasabing, kung gusto ay maraming paraan!
- Latest